سید عاطف ندیم-پاکستان،وائس آف جرمنی اردو نیوز
پاکستانی وزیر خارجہ اسحاق ڈار نے آج جمعہ کو تصدیق کی ہے کہ حکومت MT Lenore بحری آئل ٹینکر کے عملے کے رہا ہونے والے ملاحوں کی پاکستانی حکام کو واپسی کے لیے ایرانی مشن کے ساتھ کام کر رہی ہے، جبکہ یہ ٹینکر گذشتہ مدت کے دوران بحر ہند میں تحویل میں لیا گیا تھا۔
اس سے قبل العربیہ/الحدث کے ذرائع نے اطلاع دی کہ امریکہ نے آئل ٹینکر MT Lenore کے عملے کے 22 ایرانی ارکان کو پاکستانی حکام کے حوالے کر دیا ہے۔
ذرائع کے مطابق پاکستان نے آج کراچی کی بندرگاہ پر ایرانی عملے کے ارکان کو ان کی واپسی کی سہولت کے لیے کیے گئے انتظامات کے تحت ایرانی سفارتی مشن کے حوالے کر دیا۔
دوسری جانب آج جمعے کے روز ایرانی میڈیا نے واشنگٹن کی جانب سے حراست میں لیے گئے ایک ایرانی آئل ٹینکر کے عملے کے 22 ارکان کو پاکستان کے شہر کراچی میں ایرانی قونصل خانے کے حوالے کرنے کی اطلاع دی۔
ایرانی میڈیا نے آبنائے ہرمز کے حوالے سے واشنگٹن اور تہران کے درمیان رابطہ لائن کھلنے کا اعلان کیا۔ ایرانی ٹیلی ویژن نے تصدیق کی کہ آبنائے ہرمز سے گزرنے کی کوشش کرنے والے 3 آئل ٹینکرز پاسداران انقلاب کی بحریہ کی تنبیہ کے بعد واپس لوٹ گئے۔
مزید برآں پاسداران انقلاب نے تصدیق کی کہ آبنائے ہرمز سے صرف تہران کی طرف سے اعلان کردہ راستوں کے ذریعے ہی گزرا جا سکتا ہے۔
