اسلام آباد: اسپیکر قومی اسمبلی کی رہائش گاہ پر پریس کانفرنس سے قبل ہنگامی مشاورتی اجلاس ، اجلاس میں وزیر خارجہ شاہ محمود قریشی اور وزیر پارلیمانی امور علی محمد خان شریک ۔ تفصیلی مشاورت کے بعد پریس کانفرنس کی جائے گی ۔
ذرائع کے مطابق مشاورتی اجلاس میں حکومت اور مظاہرین کے درمیان اتفاق رائے پانے والے نکات پر مزید غور ہوگا ۔ حکومت اور کالعدم تنظیم کی مجلس شوریٰ کے درمیان مذاکرات کا ایک اور دور ہونے کا امکان ہے ۔
اس سے قبل مذاکراتی کمیٹی کی جانب سے کہا گیا تھا کہ حکومت اور کالعدم مذہبی تنظیم کے درمیان معاملات طے پا گئے ، حکومت کی جانب سے مذاکرات کامیاب ہونے کا اعلان جلد کیا جائے گا ۔
پاکستان میں اشیائے ضرورت کی قیمت میں اضافے نے شہریوں کی زندگی اجیرن کر دی
واضح رہے کہ کالعدم تنظیم کے لانگ مارچ کے باعث وزیر آباد سے سیالکوٹ اور گجرات جانے والے راستے بند ہیں ۔ اس کے علاوہ جہلم کے دونوں پل مکمل طور پر بند ہیں ۔ راولپنڈی اور اسلام آباد میں بھی نظام زندگی درہم برہم ہے ۔ میٹروبس سروس اور پبلک ٹرانسپورٹ معطل جبکہ مری روڈ مکمل بند ہے ۔ جی ٹی روڈ پر آمدورفت بند ہونے سے اشیائے خوردونوش کی شدید قلت ہے ۔
