![](https://vogurdunews.de/wp-content/uploads/2021/11/270722_9891069_updates.jpg)
عمران خان کے ساتھ لی گئی سیلفی پر حریم شاہ نے کیا کہا؟
نامور ٹک ٹاکر حریم شاہ نے وزیر اعظم عمران خان کے ساتھ لی گئی سیلفی سے متعلق بات کی ہے۔
نامور ٹک ٹاکر حریم شاہ نے وزیر اعظم عمران خان کے ساتھ لی گئی سیلفی سے متعلق بات کی ہے۔
حریم شاہ نے کچھ دن قبل ایک ویب شو میں شرکت کی جس میں پروگرام کے میزبان نے سوال کیا کہ آپ کی پسندیدہ سیلفی کون سی ہے جس پر حریم نے جواب دیا کہ عمران خان کے ساتھ لی گئی سیلفی میری پسندیدہ ہے۔
حریم شاہ نے کہا کہ میں پاکستان تحریک انصاف سے منسلک ہوں، ہم عمران خان سے ملنے ان کی رہائش گاہ بنی گالہ گئے تھے۔
حریم کا کہنا تھا کہ عمران خان میرے لیے قابلِ احترام ہیں، ان کے کندھے پر ہاتھ رکھ کر سیلفی لینے پر لوگوں نے بہت باتیں بنائی تھیں۔
اس کے علاوہ حریم شاہ نے پروگرام کے دوران کھانا خود گرم کرو کے نعرے پر کہا کہ یہ عورت کی ذمہ داری ہے کہ وہ اپنے شوہر کی خدمت کرے، اگر آپ اپنے شوہر کو کھانا نہیں دے سکتیں یا شوہر کے کپڑے نہیں دھو سکتیں تو شادی ہرگز نہ کریں۔
حریم شاہ نے مزید کہا کہ عورت کو کام کرنے، تعلیم حاصل کرنے یا اپنے جیون ساتھی کا انتخاب کرنے سے نہیں روکنا چاہیے۔