اسلام آباد پاکستان(نمائندہ وائس آف جرمنی): پاکستان میں سعودی عرب کے سفیر نواف بن سعید المالکی نے نیول ہیڈ کوارٹرز کا دورہ کیا اورسربراہ پاک بحریہ ایڈمرل نوید اشرف سے ملاقات کی۔پاک بحریہ کے ترجمان کے مطابق سعودی سفیر نے سربراہ پاک بحریہ ایڈمرل نوید اشرف کو عہدہ سنبھالنے پر مبارک باد دی۔
"جنگ ” کے مطابق دونوں رہنماؤں کے درمیان ملاقات میں باہمی دلچسپی کے امور، دو طرفہ بحری تعاون کے فروغ پر تبادلۂ خیال کیا گیا، نیول چیف اور سعودی سفیر نے خطے کی میری ٹائم سیکیورٹی کی صورت حال پر بھی بات چیت کی۔
ترجمان نے بتایا کہ سعودی سفیر نے خطے میں امن و استحکام یقینی بنانے میں پاک بحریہ کے کردار کو سراہا۔
