اداکارہ نیلم منیر نے اپنے نکاح کی تصاویر شیئر کر دیں، مداح دلہے کے بارے میں جاننے کے خواہاں

جمعے کو انسٹاگرام پر نیلم منیر نے تصاویر کے ساتھ لکھا کہ ’نئے سال کے ساتھ ہی میں اپنی زندگی کے نئے باب کا آغاز کر رہی ہوں، آپ کی دعاؤں کی طلب گار ہوں۔‘

نیلم منیر اور ان کے شوہر کو دبئی کے مختلف مقامات پر رومانوی انداز میں فوٹو شوٹ کرواتے دیکھا جا سکتا ہے۔

مداح اس حوالے سے انسٹاگرام پر ان سے سوالات بھی پوچھ رہے ہیں۔

اس سے قبل انہوں نے کراچی میں مایوں کے فوٹو شوٹ کی تصاویر شیئر کی تھیں اور اپنی شادی کی تقریبات کے آغاز کی تصدیق کی تھی۔

اس پہلے بھی اداکارہ کی شادی کی افواہیں گردش کرتی رہیں لیکن انہوں نے اس کی تردید کی تھی۔