ری سونگ گم نے اسنیچ میں 94 کلوگرام وزن اٹھایا، جو 93 کلوگرام کے سابق عالمی ریکارڈ سے ایک کلو زیادہ تھا۔
اس کے بعد انہوں نے کلین اینڈ جرک میں پہلے 116 کلوگرام وزن اٹھا کر 115 کلوگرام کا عالمی ریکارڈ توڑا اور پھر اپنی اگلی کوشش میں 121 کلوگرام اٹھا کر ایک مرتبہ پھر نیا عالمی ریکارڈ قائم کر دیا۔
اس طرح ان کا مجموعی طور پر اٹھایا گیا وزن 215 کلوگرام رہا، جو سابق عالمی ریکارڈ سے سات کلوگرام زیادہ ہے۔
انڈونیشیا کی ڈیانا تری وجیانا نے مجموعی طور پر 191 کلوگرام کے ساتھ کانسی کا تمغہ جیتا۔ انہوں نے اسنیچ میں 88 اور کلین اینڈ جرک میں 103 کلوگرام وزن اٹھایا۔
ری سونگ گم نے اس کامیابی کے ساتھ ایک اور تاریخی اعزاز بھی اپنے نام کیا۔ وہ ایشین گیمز ویٹ لفٹنگ میں تین طلائی تمغے جیتنے والی پہلی خاتون اور مجموعی طور پر صرف چوتھی ویٹ لفٹر بن گئی ہیں۔
ان سے قبل ایران کے محمد نصیری، جنوبی کوریا کے کم تائی ہیون اور ایران کے بہداد سلیمی تین تین ایشین گیمز گولڈ میڈلز جیت چکے ہیں۔ اب تک کوئی بھی ویٹ لفٹر ایشین گیمز میں چار طلائی تمغے نہیں جیت سکا۔
