پاکستان لاہور(نمائندہ وائس آف جرمنی):وفاقی وزیر داخلہ و انسداد منشیات و چیئرمین پی سی بی محسن نقوی نے آج کراچی میں وزیر اعلی سندھ سید مراد علی شاہ سے ملاقات کی۔وزیر اعلی سندھ سید مراد علی شاہ نے وزارت داخلہ و انسداد منشیات کا منصب سنبھالنے پر محسن نقوی کو مبارکباد دی۔ وزیر اعلی سندھ نے نئی ذمہ داریوں کے حوالے سے محسن نقوی کے لئے نیک خواہشات کا اظہار کیا۔وفاقی وزیر داخلہ محسن نقوی نے سندھ نے وزارت اعلی کا منصب سنبھالنے پر مراد علی شاہ کے لئے نیک تمناؤں کا اظہار کیا۔ ملاقات میں باہمی دلچسپی کے اموراور امن و امان کی مجموعی صورتحال پر تبادلہ خیال کیا۔ وزیر اعلی سندھ مراد علی شاہ نے وفاقی وزیر داخلہ محسن نقوی سے گفتگو کرتے ہوئے کہا کہ جس محنت سے آپ نے پنجاب حکومت کے امور سر انجام دئیے۔ امید ہے کہ اسی جذبے سے آپ وزارت داخلہ کی اہم ذمہ داری بھی ادا کریں گے۔
