وزیراعلی مریم نوازشریف کا یوم تکبیر کے تاریخ ساز دن پر پیغام

لاہور پاکستان(نمائندہ وائس آف جرمنی):‌ وزیراعلی پنجاب مریم نوازشریف نے کہا ہے کہ دفاع وطن کا مشن سر انجام دینے والی ٹیم کے ہر فرد اورپاکستان کو پہلی اسلامی ایٹمی طاقت بنانے والے محمد نواز شریف کو سلام پیش کرتی ہوں۔ نواز شریف بکا نہیں، جھکا نہیں، ایسے عظیم شخص کی بیٹی ہونے پر فخر ہے۔ وزیر اعلیٰ مریم نوازشریف نے یوم تکبیر کے تاریخ ساز دن پراپنے خصوصی پیغام میں قوم کو مبارکباد پیش کرتے ہوئے کہا کہ یوم تکبیر پاکستانی قوم ہی نہیں عالم اسلام کیلئے فخر کا دن ہے۔ ایٹمی پروگرام پاکستان کے مضبوط دفاع کی علامت ہے۔ پاکستانی قوم آج بھی نوازشریف کے جرأتمندانہ فیصلوں کی معترف ہے۔انہوں نے کہاکہ مضبوط دفاع کیلئے پاکستان کو ایٹمی طاقت بنایا،اب اقتصادی لحاظ سے ناقابل تسخیر بنانا ہمارا مشن ہے۔ محمد نواز شریف کی قیادت میں اب پاکستان کو اقوام عالم میں سر بلند کریں گے -آج ہمیں اتحاد ویکجہتی،محنت وہمت،برداشت و رواداری کے عزم کا اعادہ کر نا ہے۔