یوٹیلیٹی اسٹورز پر دالیں بازار سے بھی مہنگی

اسلام آباد : وزیراعظم پاکستان کی جانب سے دیئے گئے پیکچ کے باوجود یوٹیلیٹی اسٹورز پر دالیں اوپن مارکیٹ سے مہنگی فروخت کی جارہی ہیں۔
دستاویزات کے مطابق یوٹیلیٹی اسٹورز پر دال چنا اوپن مارکیٹ سے فی کلو 13روپے اور سفید چنے فی کلو 12روپے مہنگے ریٹ پر دستیاب ہیں۔
اس کے علاوہ یوٹیلیٹی اسٹورز پر دال مسور اوپن مارکیٹ سے فی کلو9روپے جبکہ سفید چنا فی کلو395 روپے میں فروخت کیاجارہا ہے۔
اوپن مارکیٹ میں سفید چنے کی فی کلو قیمت382روپے ہے، یوٹیلیٹی اسٹورز پر دال مسور کی فی کلو قیمت285 روپے ہے جبکہ اوپن مارکیٹ میں قیمت275 روپے ہے۔
دستاویزات کے مطابق دال چنا یوٹیلیٹی اسٹورز پر فی کلو255 روپے میں دستیاب ہے، اوپن مارکیٹ میں دال چنے کی فی کلو قیمت241روپے ہے۔