یہ پہلا موقع ہے کہ پاکستان میں خواتین کی اے ٹیموں کی سہ فریقی ٹی ٹوئنٹی سیریز کھیلی جائے گی.

لاہور پاکستان(نمائندہ وائس آف جرمنی):‌ویسٹ انڈیز ویمنز اے ٹیم کے خلاف ون ڈے سیریز کے بعد پاکستان ویسٹ انڈیز اور تھائی لینڈ ویمنز درمیان سہ فریقی ٹی ٹوئنٹی سیریز تین نومبرسے آٹھ نومبر تک کھیلی لاہور جائے گی اور پھر پاکستان ویمنز اے ٹیم تھائی لینڈ ایمرجنگ کے خلاف دو ٹی ٹوئنٹی میچز بھی کھیلے گی۔
پاکستان وومینز اے کرکٹ ٹیم اور ویسٹ انڈیز کی ویمنز اے کرکٹ ٹیموں کے مابین سہ فریقی ٹی ٹوئنٹی سیریز کا پہلا ون ڈے میچ غنی انسٹی ٹیوٹ لاہور میں کل کھیلا جائے گا گزشتہ روز قذافی سٹیڈیم لاہور میں ٹرافی کی رونمائی کی گئی جسکے بعد دونوں ٹیموں کی کپتانوں نے صحافیوں کے سوالات کے جوابات کے دوران اپنے اپنے خیالات کا اظہار کیا پاکستان وومینز اے کرکٹ ٹیم کی کپتان آف اسپنر رامین شمیم کا کہنا تھا کہ وہ جیت کے لیے پرامید ہیں۔ ہم نے سیریز کی اچھی تیاری کی ہے اور ہمارے کوچز نے کیمپ میں ہماری بہت مدد کی ہے کیمپ میں ہم نے پریکٹس میچز بھی کھیلے ہیں اور ہمیں پتہ ہے کہ غنی انسٹی ٹیوٹ فار کرکٹ اور قذافی اسٹیڈیم کی پچز کیسی ہیں۔ہوم سیریز میں ملک کی قیادت میرے لیے اعزاز کی بات ہے ایک سوال کے جواب پر انکا کہنا تھا کہ ہم پر پریشر ہوگا لیکن یہ ایک زبردست تجربہ بھی ہے کہ آپ اپنے ہوم گراؤنڈ پر کھیل رہے ہیں۔ ٹیم میں پورا کمبی نیشن ہے ہم یہ سیریز جیتنا چاہتے ہیں اور پوری ٹیم اس کے لیے تیار ہے۔جبکہ اس موقع پر ویسٹ انڈیز ویمنز اے ٹیم راشادا ولیمز کا کہنا تھا کہ ویسٹ انڈیز کی نمائندگی کرنا وہ اپنے لیے اعزاز سمجھتی ہیں اور یہ ان کی قیادت میں ویسٹ انڈیز ویمنز اے کا پہلا غیرملکی دورہ ہے۔ہم نے یہاں نیشنل کرکٹ اکیڈمی میں پریکٹس کی ہے۔ یہاں کی وکٹیں ویسٹ انڈیز جیسی تیز نہیں ہیں لیکن اچھی وکٹیں ہیں۔ ہم سیریز جیتنے کی پوری کوشش کریں گے۔جبکہ سیریز کے تینوں میچز لاہور میں ہی کھیلے جائیں گے۔ پہلا میچ 24 اکتوبر دوسرا میچ 26اکتوبر تیسرا میچ 29 اکتوبر جبکہ سہ فریقی ٹی ٹوئنٹی سیریزکا پہلا ٹی ٹوینٹی میچ 3 نومبر دوسرا میچ 4 نومبر تیسرا میچ 5 نومبر
چوتھا فائینل میچ 8 نومبر کوویسٹ انڈیز ویمنز اے ٹیم کھینے کے بعد 9 نومبر ٹیم کو ویسٹ انڈیز کے لئے روانہ ہو جائے گی۔جبکہ پاکستان وومینز اے کرکٹ ٹیم10 نومبرکو پہلا ٹی ٹوئنٹی میچ تھائی لینڈ ایمرجنگ کے ساتھ قذافی اسٹیڈیم لاہور میں دوسرا ٹی ٹوئنٹی میچ بھی 11 نومبر کو تھائی لینڈ ایمرجنگ کی ٹیم کے خلاف قذافی اسٹیڈیم لاہو ر میں کھیلے گی یاد رہے یہ پہلا موقع ہے کہ ویسٹ انڈیز ویمنز اے ٹیم راشادا ولیمز کی قیادت میں پاکستان آئی ہے اور یہ بھی پہلا موقع ہوگا کہ پاکستان میں خواتین کی اے ٹیموں کی سہ فریقی ٹی ٹوئنٹی سیریز کھیلی جائے گا۔ پاکستان وومینز اے کرکٹ ٹیم کی کپتان رامین شمیم نے تین ون ڈے انٹرنیشنل اور چار ٹی ٹوئنٹی انٹرنیشنل میچوں میں پاکستان کی نمائندگی کی ہے اور وہ دو سال قبل پاکستان ویمنز اے ٹیم کے دورہ ویسٹ انڈیز میں بھی کپتانی کرچکی ہیں جس میں پاکستان اے نے ٹی ٹوئنٹی اور ون ڈے دونوں سیریز جیتی تھیں۔