نادرا سنٹر شملہ پہاڑی کو بہت جلد مثالی سنٹر بنائیں گے، شکایات کا جلد ازالہ کیا جائے گا: محسن نقوی

پاکستان لاہور(نمائندہ وائس آف جرمنی):وفاقی وزیرداخلہ محسن نقوی نے لاہور میں 24 گھنٹے کام کرنے والے نادرا سنٹر شملہ پہاڑی کا دورہ کیا۔نادرا سنٹر میں بہت زیادہ رش تھا۔ شہریوں نے وفاقی وزیر داخلہ محسن نقوی کے سامنے شکایات کے انبار لگا دئیے۔وفاقی وزیرداخلہ محسن نقوی نے شہریوں کی شکایات اور سٹاف کی کمی کا نوٹس لیا۔وفاقی وزیرداخلہ محسن نقوی نے سنٹر میں موجود شہریوں سے ملاقات کی اور مسائل دریافت کئے۔وفاقی وزیر محسن نقوی نے کہاکہ نادرا سنٹر شملہ پہاڑی کو بہت جلد مثالی سنٹر بنائیں گے۔شہریوں کی شکایات کا جلد ازالہ کیا جائے گا۔میں نے سنٹر کا وزٹ کرکے تمام حالات کار کا خود جائزہ لیا ہے۔شہریوں کی شکایات۔ تاخیر اور انتظار کی زحمت کو جلد ختم کر دیں گے۔ آپ کے مسائل حل کرنا کوئی احسان نہیں۔یہ آپ کا حق اور ہماری ذمہ داری ہے۔ بزرگ شہری نے وفاقی وزیرداخلہ محسن نقوی سے گفتگوکرتے ہوئے کہاکہ آپ آگئے ہیں۔ ہمارے مسلے حل ہو جائیں گے۔ شہریوں نے وفاقی وزیرداخلہ محسن نقوی سے گفتگو کرتے ہوئے کہا کہ آپ کا بہت نام ہے۔ یقین ہے کہ نادرا سنٹر کو بھی اپ ہی بہتر بنائیں گے۔