کویتی ایئر ڈیفنس نے نئے میزائل اور ڈرون حملے ناکام بنا دیے
اس بارے میں کویت سٹی میں ملکی وزارت خارجہ نے بھی اپنے ایک بیان میں کہا کہ وہ ان 'بزدلانہ حملوں کے لیے ایران کو پوری طرح ذمے دار قرار دیتی ہے۔‘‘
اے ایف پی کے ساتھ
اسی دوران امریکی دارالحکومت واشنگٹن میں فوجی حکام نے کہا کہ امریکی فورسز نے دو ایسے ایرانی میزائل فضا میں ہی تباہ کر دیے، جن کے ذریعے کویت میں تعینات امریکی فوجی دستوں کو نشانہ بنانے کی کوشش کی گئی تھی۔
کویتی فوج کی طرف سے سوشل میڈیا پلیٹ فارم ایکس پر جاری کردہ ایک بیان میں یکم جون کے روز لکھا گیا، ”کویتی فوج کا جنرل اسٹاف ملکی عوام کو مطلع کرنا چاہتا ہے کہ دھماکوں کی جو آوازیں سنی گئی تھیں، وہ کویتی ایئر ڈیفنس سسٹم کی طرف سے کی جانے والی اس کارروائی کا نتیجہ تھیں، جو کویت پر جارحانہ میزائل حملوں کو ناکام بنانے کے لیے کی گئی تھی۔‘‘
اس بارے میں کویت سٹی میں ملکی وزارت خارجہ نے بھی اپنے ایک بیان میں کہا کہ وہ ان ‘بزدلانہ حملوں کے لیے ایران کو پوری طرح ذمے دار قرار دیتی ہے۔‘‘
دوسری طرف امریکی فوج کی مرکزی کمان (سینٹ کام) نے بھی تصدیق کر دی ہے کہ اس نے بروقت فضائی کارروائی کر کے دو ایسے ایرانی بیلسٹک میزائلوں کو فضا میں ہی تباہ کر دیا، جن کے ذریعے کویت میں تعینات امریکی فوجی دستوں کو ٹارگٹ کرنے کی کوشش کی گئی تھی۔
سینٹ کام کی طرف سے ایکس پر ایک بیان میں کہا گیا، ”ان میزائلوں کو فوری طور پر تباہ کر دیا گیا اور ان حملوں میں کوئی امریکی فوجی زخمی نہیں ہوا۔‘‘
کویتی نیوز ایجنسی کُونا کے مطابق ان حملوں کے دوران اس عرب ریاست میں، جو امریکہ کی قریبی اتحادی ہے، فوری طور پر خطرے کے سائرن بجنا شروع ہو گئے تھے ۔
کُونا کے مطابق ایران کی طرف سے یہ میزائل اور ڈرون حملے اس فائر بندی کے باوجود کیے گئے، جو اس وقت امریکہ اور ایران کے درمیان جاری ہے۔
