تاہم سب سے زیادہ توجہ ان کے نئے برگنڈی سرخ بالوں نے حاصل کی۔ نرم لہروں اور سائیڈ پارٹنگ کے ساتھ اسٹائل کیے گئے بالوں نے ان کے کلاسک انداز کو جدید اور منفرد تاثر دیا۔ ایشوریہ نے وِنگڈ آئی لائنر، گلابی گال، خوب صورت ابرو اور شوخ سرخ لپ اسٹک کے ساتھ اپنا میک اپ مکمل کیا۔ ان کے اسٹائل کی ذمہ داری معروف اسٹائلسٹ موہت رائے نے سنبھالی، جنہوں نے گاؤن اور کیپ کے ساتھ ہیروں کی انگوٹھیاں اور پمپس کا انتخاب کیا۔

پیرس فیشن ویک کی یہ شام صرف ایشوریہ کے فیشن انداز تک محدود نہیں رہی بلکہ عالمی سطح کی کئی معروف شخصیات بھی ان کے ساتھ موجود تھیں۔ لوریئل پیرس کے سفیروں اور دیگر شخصیات میں کینڈل جینر، ایوا لونگوریا، سیمون ایشلے، سیلین ڈیون، وائولا ڈیوس، جین فونڈا، کارا ڈیلیوین اور اینڈی میک ڈوول شامل تھیں۔

شو سے قبل ریہرسل کے دوران ایشوریہ کو سیمون ایشلے کے ساتھ خوشگوار انداز میں گفتگو کرتے بھی دیکھا گیا۔ دونوں کا ایک ویڈیو کلپ سوشل میڈیا پر تیزی سے وائرل ہوا، جس میں ایشوریہ سیمون کے ہاتھ تھامے ان سے بات کرتی نظر آئیں۔

ایشوریہ نے اپنی دیرینہ دوست ایوا لونگوریا سے بھی ملاقات کی۔ بیک اسٹیج دونوں کی پُرتپاک ملاقات کی تصاویر اور ویڈیوز نے اس شاندار شام میں ذاتی تعلق کی ایک خوب صورت جھلک پیش کی۔

مزید پڑھیں:کرشنا اور کشمیرا شاہ سنیتا آہوجا کی حمایت میں سامنے آ گئے، گووندا کی مبینہ گرل فرینڈ کومل رانی کے بیان کا منہ توڑ جواب دیا

پیرس فیشن ویک میں ایشوریہ کی شرکت ان کی چند ماہ قبل ہونے والی چرچا میں رہنے والی کانز فلم فیسٹیول کی شرکت کے بعد ہوئی ہے۔ بین الاقوامی فیشن اور سنیما سے ایشوریہ کا تعلق نیا نہیں۔ انہوں نے 2002 میں فلم دیوداس کے ساتھ کانز فلم فیسٹیول میں قدم رکھا تھا، جبکہ اگلے ہی سال وہ فیسٹیول کی فیچر فلم جیوری کی رکن بھی بنیں۔