پی ایس ایل 8 کے بہترین انتظامی حکمت عملی پر عمل جاری۔
ڈی سی لاہور رافعہ حیدر نے کہا کہ قذافی اسٹیڈیم مین انکلیورز، سپورٹس ڈیپارٹمنٹ اور پی سی بی سے کوآرڈینیشن کیلئے 4 افسران کی ڈیوٹی لگائی گئی ہے
لاہور 20 فروری 2023:ڈی سی لاہور رافعہ حیدر کی ہدایت پر افسران کی ذمہ داریوں کا تفصیلی پلان جاری کیا گیا ہے۔ڈی سی لاہور رافعہ حیدر نے کہا کہ قذافی اسٹیڈیم مین انکلیورز، سپورٹس ڈیپارٹمنٹ اور پی سی بی سے کوآرڈینیشن کیلئے 4 افسران کی ڈیوٹی لگائی گئی ہے اور ٹریفک پولیس، ٹرانسپورٹ اور لاہور پارکنگ کمپنی سے کوآرڈینیشن کیلئے 4 افسران نکی ذمہ داری لگائی گئی ہے اور پولیس اور دیگر سکیورٹی ایجنسیوں سے رابطے کیلئے ایڈیشنل ڈپٹی کمشنر ذمہ دار ہوں گے۔انہوں نے کہا کہ ہوٹل سے قذافی اسٹیڈیم تک سڑکوں کی خوبصورتی کیلئے بھی کمیٹی تشکیل دی گئی ہے اور ریسکیو، پی سی ہوٹل اور متعلقہ حکام سے رابطے کیلئے بھی افسران نوٹیفائی کر دیے گئے ہیں۔ڈی سی لاہور رافعہ حیدر نے کہا کہ ہنگامی حالت کیلئے ہاکی اسٹیڈیم میں عارضی موبائل ہسپتال یونٹ قائم کردیا گیا ہے۔انہوں نے کہا کہ شہر میں ٹریفک اور سکیورٹی کے مسائل پر خصوصی توجہ کے لیے ٹیمیں تشکیل دی گئی ہیں۔ڈی سی لاہور رافعہ حیدر نے کہا کہ فول پروف سکیورٹی اورشہریوں کوٹریفک مسائل سے محفوظ رکھنے کیلئے ہر ممکن کوشش کریں گے۔
