لاہورنواب ٹاؤن میں بینک سے رقم نکلوا کر نکلنے والے شہریوں کو لوٹنے والا گروہ گرفتار

لاہور پاکستان(نمائندہ وائس آف جرمنی):‌اے ایس پی سدرہ خان کی سربراہی میں نواب ٹاؤن انویسٹی گیشن پولیس نے ایک کارروائی میں ڈکیتی و راہزنی میں ملوث 5 رکنی گروہ گرفتار کر لیا۔انچارج انویسٹی گیشن نواب ٹاؤن انسپکٹر قمر ساجد کے مطابق گرفتار ملزمان میں سرغنہ شیراز، امیر حمزہ، بلال، شہروز اور علی بلال شامل ہیں۔جبکہ ملزمان سے 04 لاکھ روپے نقدی، موبائل فونز اور ناجائز اسلحہ بھی برآمد کر لیا گیا ہے۔اے ایس پی چوہنگ سدرہ خان کا کہنا تھا کہ ملزمان بینکوں سے رقم نکلوا کر نکلنے والے شہریوں کو نشانہ بناتے تھے۔دوران تفتیش ملزمان کے خلاف ڈکیتی کے متعدد مقدمات ٹریس ہوئے۔ملزمان چند روز قبل شہری خلیل سے ڈکیتی کی واردات میں بھی ملوث تھے۔شہری نے گن پوائنٹ پر چھیننے گے 4 لاکھ روپے واپس ملنے پر پولیس کا شکریہ ادا کیا۔ایس پی انویسٹی گیشن صدر عبدالحنان کے مطابق جرائم پیشہ عناصر کیخلاف بلا امتیاز کارروائیاں جاری رہیں گی۔ایس ایس پی انویسٹی گیشن ڈاکٹر انوش مسعود نے نواب ٹاؤن پولیس ٹیم کو شاباش دی