پی ڈی ایم اے نے لاہور سمیت پنجاب کے مختلف اضلاع میں بارشوں کا ہائی الرٹ جاری کر دیا

پاکستان لاہور(نمائندہ وائس آف جرمنی):مون سون کے موسم میں لاہور سمیت پنجاب کے مختلف اضلاع میں بارشوں کے موقع پر پی ڈی ایم اے نے ہائی الرٹ جاری کر دیا ہے۔ترجمان پی ڈی ایم اے کے مطابق جہلم میں 54 ملی میٹر، سیالکوٹ 47، حافظ آباد 40 جبکہ شیخوپورہ 19 ملی میٹر بارش ریکارڈ ہوئی،مون سون بارشوں کا یہ سپیل 20 جولائی تک جاری رہنے کی پیشگوئی ہے،
ڈی جی پی ڈی ایم اے عرفان علی کاٹھیا نے صوبہ بھر کے ڈپٹی کمشنرز کو الرٹ رہنے کی ہدایات جاری کر دیں ہیں۔ڈی جی پی ڈی ایم اے عرفان علی کاٹھیا کا کہنا تھا کہ ہنگامی صورتحال سے نمٹنے کے لیے متعلقہ محکمے الرٹ رہیں، صوبائی کنٹرول روم سمیت تمام ڈسٹرکٹ ایمرجنسی آپریشن سنٹرز کو بھی الرٹ کر دیا گیا ہے۔
پی ڈی ایم اے کنٹرول روم میں صورتحال کی مانیٹرنگ 24/7 جاری ہے،1122 سمیت دیگر ریسکیو ادارے مشینری سمیت عملے کو الرٹ رکھیں،نشینی علاقوں سے پانی کی نکاسی کو جلد از جلد ممکن بنائیں،شہری احتیاط کریں بجلی کے کھمبوں اور لٹکتی تاروں سے دور رہیں،عوام الناس کچے مکانات اور بوسیدہ عمارتوں سے دور رہیں،بچوں کا خاص خیال رکھیں انہیں نشیبی علاقوں میں جمع پانی کے قریب ہرگز نہ جانے دی،ہنگامی صورتحال میں پی ڈی ایم اے کی ہیلپ لائن 1129 پر کال کر یں۔