سی سی پی او بلال صدیق کمیانہ سے محکمہ پولیس سندھ کے انڈرٹریننگ ڈی ایس پیزکی ملاقات، 33رکنی وفدکی قیادت ڈی آئی جی محمدنعمان صدیقی کر رہے تھے
ایس ایس پی عمران کشور کی وفد کو لاہور پولیس کے تنظیمی ڈھانچے سے متعلق بریفنگ،وفد کو لاہور پولیس کی پیشہ ورانہ تربیت، کارکردگی،جرائم کی روک تھام اور دیگر ذمہ داریوں سے آگاہ کیا گیا لاہور پولیس قیام امن میں ہراول دستہ ہے جس نے محفوظ معاشرے کے قیام میں کلیدی کرادا ادا کیا ہے، پولیس نے عوام کی جان و مال کے تحفظ کے لئے بے پناہ قربانیاں دی ہیں۔ بلال صدیق کمیانہ
لاہور پاکستان(نمائندہ وائس آف جرمنی):سربراہ لاہور پورلیس بلال صدیق کمیانہ سے محکمہ پولیس سندھ کے سپیشلائزڈ ٹریننگ کورس کرنے والے انڈرٹریننگ ڈی ایس پیزنے آج ان کے دفترمیں ملاقات کی۔محکمہ پولیس سندھ کے 33رکنی وفدکی قیادت ڈی آئی جی محمدنعمان صدیقی کر رہے تھے۔ملاقات کے دوران ایس ایس پی(ڈسپلن)عمران کشوراور ایس پی(ڈولفن) زوہیب رانجھاسمیت متعلقہ افسران بھی موجود تھے۔اس موقع پر ایس ایس پی(ڈسپلن)عمران کشورنے سندھ پولیس کے زیر تربیت افسران کو لاہور پولیس کے تنظیمی ڈھانچے سے متعلق بریفنگ دی۔سندھ پولیس کے وفد کو لاہور پولیس کی پیشہ ورانہ تربیت، کارکردگی،جرائم کی روک تھام اور دیگر ذمہ داریوں سے آگاہ کیا گیا۔وفدکو لاہور پولیس کی امن عامہ کے قیام اور عوام کے جان و مال کے تحفظ کے حوالے سے تفصیلی بریفنگ دی گئی۔
سی سی پی او بلال صدیق کمیانہ نے وفد سے گفتگو کرتے ہوئے کہا کہ لاہور پولیس نے عوام کی جان و مال کے تحفظ کے لئے بے پناہ قربانیاں دی ہیں۔لاہور پولیس کے شہداء اور غازیوں کے خاندانوں کی بھلائی اور دیکھ بھال پر خاطر خواہ تو جہ دی گئی ہے۔انہوں نے کہاکہ شہدائے پولیس کے خاندانوں کی دیکھ بھال کے لئے ایک بھر پور پیکچ متعارف کروایا گیا ہے تا کہ انہیں کسی مشکل کا سامنا نہ کرنا پڑے۔بلال صدیق کمیانہ نے کہا کہ لاہور پولیس قیام امن میں ہراول دستہ ہے جس نے محفوظ معاشرے کے قیام میں کلیدی کردار ادا کیا ہے۔انہوں نے کہا کہ لاہور پولیس دیگر صوبوں کے محکمہ ہائے پولیس کو تربیتی و تکنیکی معاونت فراہم کرنے کے لئے تیار ہے۔
بلال صدیق کمیانہ نے وفد سے گفتگو کرتے ہوئے اس کہا کہ پولیس فورس کا حصہ بننے والے افسران اپنی قابلیت، پیشہ ورانہ مہارت اور جذبہ خدمت خلق کو اپنا شعار بناکر ایک محفوظ معاشرے کے قیام میں اپنابھر کردار اداکریں۔انہوں نے کہا کہ ایماندار، محنتی، قابل اور فرض شناس افسران محکمہ پولیس کا اثاثہ ہیں۔سی سی پی او لاہور نے سندھ پولیس کے انڈرٹریننگ افسران سے گفتگو کرتے ہوئے کہا کہ میرٹ پر کبھی سمجھوتہ نہ کریں۔اس موقع پر وفد نے لاہور پولیس کی پیشہ ورانہ خدمات کو سراہا۔وفد کا کہنا تھا کہ لاہور سے خوشگوار یادیں لے کر جا رہے ہیں۔ اس موقع پر سی سی پی او لاہور اور وفد کے سربراہ کے مابین یادگاری سونیئرکا تبادلہ بھی ہوا۔
