محکمہ اینٹی کرپشن نے مسلم لیگ (ن)کے رکن قومی اسمبلی چوہدری محمد اشرف کو گرفتار کر لیا

لاہور پاکستان(نمائندہ وائس آف جرمنی):‌محکمہ اینٹی کرپشن پنجاب نے مسلم لیگ (ن) کے ایم این اے چوہدری محمد اشرف کو سرکاری اراضی پر قبضے کے جرم میں گرفتار کر لیاہے۔ملزم چوہدری محمد اشرف ساہیوال کے حلقہ نمبر 161 سے مسلم لیگ (ن) کے ممبر قومی اسمبلی ہیں۔ ملزم چوہدری محمد اشرف ایم این اے نے 157 ایکڑ 1 کنال 16 مرلے سرکاری اراضی جعلسازی اور فراڈ سے محمد سلیم پٹواری اور ریاست علی گرداور سے مل کر جعلی گرداوری بنا کر اپنے قبضہ میں رکھی ہوئی تھی۔ ایم این اے ملزم چوہدری محمد اشرف پر الزام ثابت ہونے پر محکمہ اینٹی کرپشن نے گرفتار کیا ہے۔ملزم چوہدری محمد اشرف نے ایک فرضی شخص شریف احمد ہاشمی کو جعلی الاٹی ظاہر کرکے سرکاری رقبہ پر قبضہ کیا ہوا تھا۔ محکمہ اینٹی کرپشن پنجاب نے انکوائری کرکے مقدمہ نمبر 18/22 درج کرکے ایم این اے چوہدری محمد اشر ف کو گرفتار کیا ہے۔