لاہور پنجاب سیف سٹیز اتھارٹی اور لاہور پولیس کے ایشیا کپ کے میچز کیلئے خصوصی سکیورٹی انتظامات

لاہور پاکستان(نمائندہ وائس آف جرمنی):‌ پنجاب سیف سٹیز اتھارٹی اور لاہور پولیس کے ایشیا کپ کے میچز کیلئے خصوصی سکیورٹی انتظامات کیے گئے ہیں۔تفصیلات کے مطابق پنجاب سیف سٹیزا تھارٹی کیمروں کے ذریعے ائیر پورٹ سے ہوٹل، سٹیڈیم اور ارد گرد تمام روٹس کی 24 گھنٹے کیمروں سے نگرانی کا عمل جاری ہے۔میچز کی سکیورٹی کیلئے 550 سے زائد کیمروں سے مانیٹرنگ کی جاری ہے۔سیف سٹی سینٹر اور فیلڈ میں ٹیکنیکل ٹیمیں 24/7 فرائض سرانجام دے رہی ہیں۔ایس پی ارسلان زاہد کا کہنا تھا کہ لاہور میں 03 ستمبر، 05 ستمبر اور 06 ستمبر کو میچ کھیلے جائیں گے۔ پی آر یو گاڑیوں پر نصب سیف سٹیز کیمروں سے بھی روٹس کی مانیٹرنگ کا عمل بھی جاری ہے۔ سیف سٹی ایف ایم 88.6 کے ذریعے شہریوں کو لمحہ بہ لمحہ ٹریفک کی صورتحال سے آگاہ رکھا جا رہا ہے۔