کرشمہ کپور کے سابق شوہر سنجے کپور انگلینڈ میں پولو کھیلتے ہوئے دل کا دورہ پڑنے سے 53 سال کی عمر میں انتقال کر گئے۔
کرشمہ کپور کے سابق شوہر سنجے کپور کون تھے؟ جانیے دونوں کی 9 سال قبل طلاق کیوں ہوئی؟
حیدرآباد: بالی ووڈ اداکارہ کرشمہ کپور کے سابق شوہر اور صنعت کار سنجے کپور دل کا دورہ پڑنے سے انتقال کر گئے۔ وہ انگلینڈ میں پولو کھیل رہے تھے اور کہا جا رہا ہے کہ ان کے منہ میں شہد کی مکھی گھس گئی، انہیں الرجی ہو گئی اور انہیں دل کا دورہ پڑا۔ جس کے بعد انہیں اسپتال لے جایا گیا لیکن وہ جانبر نہ ہوسکے۔
اداکار اور مصنف سہیل سیٹھ نے ان کی موت کی تصدیق کی۔ انھوں نے انسٹاگرام پر لکھا، ‘سنجے کپور کے انتقال سے گہرا دکھ ہوا۔ انہوں نے انگلینڈ میں آخری سانس لی، ان کے اہل خانہ اور عملے سے میری تعزیت۔ اوم شانتی۔
سنجے کپور بالی ووڈ اداکارہ کرشمہ کپور کے سابق شوہر تھے۔ وہ آٹوموبائل صنعت کار اور سونا کام سٹار کے چیئرمین تھے۔ کپور سونا کوم سٹار کے ذریعے اپنے خاندان کی آٹوموموبائیل میراث کو جدید بنانے اور اسے عالمی سطح پر لے جانے کے لیے جانے جاتے ہے۔ ان کے انتقال سے بالی ووڈ اور کاروباری دنیا میں سوگ کی لہر دوڑ گئی ہے۔
9 سال پہلے طلاق کیوں ہوئی؟
کرشمہ کپور اور سنجے کپور کی شادی 2003 میں ہوئی۔ان کے دو بچے ہیں سمیرا اور کیان۔ تاہم تقریباً 13 سال ساتھ رہنے کے بعد 9 سال قبل 2016 میں ان کی طلاق ہوگئی۔کرشمہ نے سنجے کپور اور ان کے خاندان پر گھریلو تشدد کے سنگین الزامات عائد کیے تھے۔ کرشمہ نے ان پر جسمانی اور ذہنی استحصال اور جہیز کے لیے ہراساں کرنے کا الزام لگایا تھا۔ جس کے بعد کرشمہ نے سنجے اور ان کی والدہ کے خلاف گھریلو تشدد کا مقدمہ بھی درج کرایا۔ طلاق کے بعد کرشمہ کو اپنے بچوں کی تحویل مل گئی جبکہ سنجے کو ان سے ملنے کی اجازت مل گئی۔ طلاق کے بعد سنجے نے پریا سچدیو سے دوبارہ شادی کر لی۔
سنجے کپور کی آخری پوسٹ
موت سے قبل سنجے کپور کا آخری ٹوئٹ 12 جون کو احمد آباد میں ایئر انڈیا کے طیارے کے حادثے کے بارے میں تھا، انہوں نے لکھا، ‘احمد آباد میں طیارے کے حادثے کی افسوسناک خبر ملی، میری تعزیت اور دعائیں تمام متاثرہ خاندانوں کے ساتھ ہیں، خدا انہیں اس مشکل وقت میں ہمت دے
