دنیا کا خوبصورت ترین اطالوی بحری جہاز کراچی پہنچ گیا

کراچی : دنیا کا خوبصورت ترین اطالوی بحری جہاز دنیا کا سفر کرتے ہوئے کراچی بندرگاہ پہنچ گیا، بحری جہاز کی آمد 2023 تا 2025 ورلڈ ٹور کا حصہ ہے۔
تفصیلات کے مطابق اطالوی تربیتی بحری جہاز ’’امریگو ویسپوچی‘‘2 روزہ دورے پر کراچی بندرگاہ پہنچ گیا ، امیریگو ویسپوچی کو دنیا کی خوبصورت ترین شپ کا درجہ حاصل ہے۔
اطالوی سفیر،قونصل جنرل سمیت پاک بحریہ کے افسران نے جہاز کا استقبال کیا، بحری جہاز کی آمد 2023 تا 2025 ورلڈ ٹور کا حصہ ہے۔
دورے کے دوران جہاز کے سینئر افسران پاک بحریہ کے افسران سے ملاقات کریں گے اور عملے کو کراچی میں مختلف مقامات کادورہ بھی کرایا جائے گا۔
امیریگو ویسکوچی 2 سال سے دنیا کا سفر کرتے ہوئے کراچی کی بندر گاہ پہنچا ہے۔
یاد رہے رواں سال اکتوبر میں اطالوی کیرئیر اسٹرائیک گروپ کا طیارہ بردار بحری جہاز کیوی یار(CAVOUR) تین روزہ دورے پر کراچی پہنچا تھا، جو جدید ٹیکنالوجی کا حامل ہے۔
جہاز کے دورے کا مقصد بھی دوست ممالک کو ان جہازوں کی خریداری میں دلچسپی کو فروغ دینا ہے، اس موقع پر پاکستان نیوی کے افسران سمیت کراچی میں تعینات اطالوی قونصل جنرل ڈنیلو جوردینیلا بھی موجود تھے۔