رمضان المبارک کے دوران تمام گھریلو اور صنعتی صارفین کو بلا تعطل بجلی فراہم کی جائے گی۔ چیف ایگزیکٹو انجینئر شاہد حیدر

لاہور پاکستان(نمائندہ وائس آف جرمنی):‌ وفاقی وزیر برائے توانائی خرم دستگیر اور سیکرٹری پاور ڈویژن کی خصوصی ہدایات پر لیسکو نے رمضان المبارک کے حوالے سے انتظامات مکمل کر لئے ہیں اور پورے لیسکو ریجن میں سحر و افطار کے دوران بجلی کی بلا تعطل سپلائی فراہم کی جائے گی۔چیف ایگزیکٹو انجینئر شاہد حیدر کے مطابق لیسکو ریجن کے زیر انتظام علاقوں میں سحر و افطار اور تراویح کے دوران تمام گھریلو صارفین کو بجلی کی مسلسل فراہمی کو یقینی بنایا جائے گا۔ چیف ایگزیکٹوانجینئر شاہد حیدر کا کہنا ہے کہ لیسکو نے پاور ڈویژن کی ہدایات پر رمضان المبارک کے دوران روزہ داروں کی سہولت کیلئے خصوصی اقدامات کئے ہیں جبکہ صنعتی صارفین کو بھی بلا تعطل بجلی فراہم کی جائے گی۔ ان کا کہنا تھاکہ لیسکو ہیڈ کوارٹر میں کنٹرول روم بھی قائم کردیا گیا ہے اور سحر و افظار کے دوران بجلی کی بلا تعطل ترسیل کی نگرانی وہ خود کریں گے اس کے ساتھ ساتھ شعبہ آپریشن، پاور ڈسٹریبیوشن کنٹرول سنٹر اور پبلک ریلیشنزڈیپارٹمنٹ 24گھنٹے فعال انداز میں کام کرئے گا اور بجلی کی طلب، رسد، بجلی سے متعلق شکایات کا جائزہ اور ان شکایات کے فی الفور ازالے کو ممکن بنایا جائے گا۔لیسکو کے چیف ایگزیکٹو انجینئر شاہد حیدر کا کہنا ہے کہ ہم پرامید ہیں کہ رمضان المبارک میں لیسکو کے تمام گھریلو صارفین کو ہر ممکن ریلیف فراہم کیا جائے گا اور اس ضمن میں تمام فیلڈ دفاتر اور اسٹاف کو بھی ہائی الرٹ کردیا ہے جو بجلی سے متعلق کسی بھی شکایت کے جلد سے جلد ازالے کے لئے ہمہ وقت موجود رہیں گے۔چیف ایگزیکٹو انجینئر شاہد حیدر کا کہنا ہے کہ لیسکو کی مختلف ڈویژنز اور سب ڈویثرنز میں اضافی ٹرانسفارمر ز کی ٹرالیوں کی دستیابی کو یقینی بنایا گیا ہے جبکہ لیسکو اسٹور میں مختلف استعداد کے ڈسٹری بیوشن ٹرانسفارمر بھی موجود ہیں اور لیسکو کے بھرپور کوشش ہوگی کہ رمضان المبارک کے دوران صارفین کو ہر ممکن ریلیف فراہم کیا جائے۔رمضان المبارک میں بجلی سے متعلق شکایات کے ازالے کے لئے صارفین 042-99205462, 042-99205461, 0320-0520888 کے علاوہ لیسکو ہیلپ لائن 111-000-118 پر رابطہ کرنے کے ساتھ ساتھ 8118پر ایس ایم ایس بھی کرسکتے ہیں۔