شہر کے 09 زونز میں ضلعی انتظامیہ، میونسپل کارپوریشن،پولیس ٹیموں کا منظم انداز میں ایکشن

لاہور پاکستان(نمائندہ وائس آف جرمنی):تجاوزات مافیا کیخلاف آپریشن کے پہلے روزشہر کے 09 زونز میں ضلعی انتظامیہ، میونسپل کارپوریشن اورپولیس کی ٹیموں نے منظم انداز میں کارروائیاں کیں۔تجاوزات میں ملوث 282 افراد گرفتار، 565 شیڈز و تھڑے مسمار، 190 ریسٹورنٹس و دکانیں سیل جبکہ 06 ٹرک سامان ضبط کیاگیا۔ڈی سی لاہور کے مطابق یتیم خانہ روڈ پر 80 افراد گرفتار، 171 شیڈز، 70 پختہ تھڑے مسماراور 45 دکانیں سیل کی گئیں۔چوبرجی تا ملتان روڈ آپریشن میں 71 افراد گرفتاراور 15 دکانیں سیل کی گئیں۔ ملتان روڈ پر 13 عارضی تجاوزات کا خاتمہ کر کے 02 ٹرک سامان ضبط کیا گیا۔فیروز پور روڈ کاہنہ نو تا میٹرو بس سٹاپ پر 32 دکانیں سیل جبکہ 60 تھڑوں کو مسمار کیا گیا۔04 ریڑھیاں ضبط کرتے ہوئے، 06 گاڑیوں کو ٹریفک پولیس کی مدد سے اٹھوایا گیا۔ٹھوکر نیاز بیگ پر 32 ریسٹورنٹس سیل، 18 افراد گرفتاراور 11 عارضی تجاوزات کو مسمار کیا گیا۔اقبال ٹاؤن میں 65 شیڈز، 85 تھڑے اور 30 سائن بورڈز کو مسمار کیا گیا۔اقبال ٹاؤن میں 18 گرفتاریاں، 04 کھوکھے سیل اور04 ٹرک سامان ضبط کیا گیا۔ دھرم پورہ کینال روڈ پر 35 گرفتاریاں، 15 مستقل و عارضی سٹرکچر مسمار اور 14 ریسٹورنٹس سیل کیے گئے۔ راوی زون میں 45 دکانیں و ریسٹورنٹس سیل، 60 افراد گرفتاراور 35 شیڈز کو مسمار کیا گیا۔ڈی سی و ایڈمنسٹریٹر لاہور رافعہ حیدرکا کہنا تھا کہ وزیر اعلیٰ پنجاب کی ہدایت کے مطابق تجاوزات مافیا کیخلاف ایکشن جاری رہے گا۔عوام سے گزارش ہے کسی جگہ آپریشن کے بعد تجاوزات دوبارہ لگیں تو ہمیں اطلاع دیں۔